كل شي تحتاج تعرفه قبل تدخل عالم PC Gaming 

لو كنت تفكر تدخل عالم البي سي قيمنق، فهنيئًا لك! 
انت داخل على عالم واسع ومليان خيارات، يمديك تتحكم بكل شي من أصغر تفصيلة، من كرت الشاشة إلى شكل الكيس نفسه.

بس قبل تبدأ وتضيع بين الأرقام والمصطلحات، هذا دليلك البسيط عشان تاخذ فكرة واضحة عن كل شي تحتاجه.

ليش ناس كثير تفضل pcالبي سي على الكونسول؟

• تحكم كامل: تقدر تختار القطع بنفسك، تحدّث جهازك وقت ما تبي.

• جرافيكس خرافية: دقة أعلى وفريمات أكثر مقارنة بالكونسول.

• تنوع أكبر: ألعاب أرخص، مودات (Mods)، وحتى استخدامات ثانية غير الألعاب (تصميم، مونتاج، بث مباشر).

• عمر أطول: تقدر ترقي قطع جهازك بدل ما تغير الجهاز كامل.

وش تحتاج عشان تبدأ؟

عندك خيارين:

• تجمع جهاز بنفسك: ، وتختار كل قطعة بنفسك.

• تشتري جهاز جاهز: أسهل وأسرع، وتقدر تختار كمان القطع بنفسك حسب احتياجك 

أهم القطع اللي لازم تعرفها:

كرت الشاشة (GPU): أهم قطعة لعالم القيمنق، هو اللي يرسم لك الألعاب.
 المعالج (CPU): يتحكم بسرعة تشغيل اللعبة ومدى سلاستها.
 الرام (RAM): يساعد جهازك يشتغل بدون تهنيق، 16GB كافية كبداية.
التخزين (M.2): سرعة تحميل الألعاب والويندوز، أسرع بكثييير 
 الباور سبلاي (PSU): يغذي جهازك بالكهرباء، اختار نوعية ممتازة.                                                           

 المذربورد(Motherboard): تربط جميع مكونات الجهاز مع بعض

  الكيس(Case): يحمي الجهاز ويوفر تهوية جيدة   

   المبرد(Cooler): يحافظ على حرارة الجهاز .

نصايح ذهبية للمبتدئين:

• خذ تجميعتك حسب ميزانيتك واحتياجك في البداية 

• خذ باور سبلاي محترم عشان تحافظ على جهازك مع الوقت.

• لا تنسى أهمية التهوية داخل الكيس.

• تحديث تعريفات كرت الشاشة يفرق معاك كثير في الأداء.

• ابدأ بمواصفات متوسطة، وتقدر تحدث قطعك مستقبلاً مع الوقت.

جاهز تدخل عالم  القيمنق؟

البي سي مو بس جهاز ألعاب... هو مشروع تبنيه بيدك، وتطوره معك خطوة بخطوة. 

لو عندك أي سؤال عن اختيار القطع أو التحديثات، تقدر تسوي بحث وتعرف معلومات اكثر